ဝတ္ထုနောက်မှာ ပြောချင်တာ
၁၉၉၆ခု၊ ဩဂုတ်လထုတ် “ပန်းဝေသီ”မဂ္ဂဇင်းတွင် ဖော်ပြပါရှိခဲ့သော သည်ဝတ္ထုနှင့် ပတ်သက်၍မူ ပြောချင်တာ အတန်များပါသည်။
ပထမဆုံးမှာ ကျွန်တော့်စာရေးသက်တစ်လျှောက်တွင် သည်ဝတ္ထုလေးသည် ပီတိများကို ပထမဆုံး ဆောင်ကြဉ်းလာသော ဝတ္ထုလေးအဖြစ် မှတ်မိနေပါသည်။ ဖတ်မိသူတိုင်းက ချီးမွမ်းကြသလို သောင်းပြောင်းထွေလာမဂ္ဂဇင်းမှ ဝေဖန်ရေးဆရာတစ်ဦးကလည်း အမွှမ်းတင်ခဲ့ပါသေးသည်။ ကျွန်တော် ကိုယ်တိုင်လည်း စိတ်တိုင်းအကျဆုံး ဝတ္ထုတစ်ပုဒ် ဖြစ်ခဲ့လေသည်။
တစ်ခုတော့ စိတ်မကောင်းစရာ ဖြစ်သွားခဲ့ပါသည်။ ဝတ္ထုတွင် အဓိကထားကာ သုံးခဲ့သော ငှက်နှင့် သစ်ကိုင်း နိမိတ်ပုံမှာ အမှန်တော့ သီချင်း မဟုတ်ပါ။ ကဗျာဆရာ မောင်ပေါက်စည်၏ ကဗျာတစ်ပုဒ် ဖြစ်နေမှန်း သည်ဝတ္ထု ဖော်ပြပြီး နှစ်နှစ်ကျော်ကြာမှ ကျွန်တော် သိလိုက်ရပါသည်။ သူက သည်လို ရေးခဲ့ပါသည်။
လာရောက်ခိုနား
သူပျံသွားသော်
ကိုင်းဖျား ဆတ်ဆတ်ခါသတည်း…
ဆရာမောင်ပေါက်စည်ကို ခရစ်ယန် သာသနာပိုင်ချုပ် (ယခု အငြိမ်းစား) ဆရာ အယ်န်ဒြူးမြဟန်အဖြစ် ကျွန်တော် ခင်မင်ရင်းနှီးပါသည်။ သူ့ကို ကဗျာဆရာမှန်း၊ မောင်ပေါက်စည်မှန်း ကျွန်တော် မသိခဲ့ပါ။ သူ့ ကဗျာစာအုပ်ထွက်လာသောအခါတွင်မှ ထိုကဗျာနှင့် ထိုကဗျာဆရာကို သိရပါသည်။
ထိုကဗျာကို ၁၉၅၃ ခုနှစ်တွင် သူရေးခဲ့ပါသည်။ ကျွန်တော့်ကို ၁၉၅၇ ခုနှစ် ကုန်လုနီးမှ မွေးပါသည်။ ထို့ကြောင့် မည်မျှပင် ကျော်ကြားခဲ့သည်ဖြစ်စေ၊ ကျွန်တော် ဘယ်လိုမှ အလှမ်းမမီနိုင်သောကဗျာ ဖြစ်နေခဲ့ပါသည်။ ကျွန်တော် ကြားဖူးသည်မှာ ကျွန်တော့်ဝတ္ထုထဲတွင် ရေးခဲ့သည့်အတိုင်း သီချင်းသာ ဖြစ်ပါသည်။
သို့ရာတွင် ဆရာမောင်ပေါက်စည်၏ ကဗျာစာအုပ်တွင် အဖွင့် အမှာ ရေးသူ ဆရာမောင်ပေါက်စည်၏ သူငယ်ချင်း ကဗျာဆရာ၊ ဝေဖန်ရေးဆရာက ကျွန်တော့်အမည်ကိုလည်း မဖော်ပြ၊ ဝတ္ထုအမည်ကိုလည်း မဖော်ပြဘဲ၊ ကျွန်တော်ကပဲ လူလည်လုပ်ကာ ဆရာ မောင်ပေါက်စည်၏ ကဗျာကို အညွန့်ခူးသယောင်ယောင် ထည့်သွင်းနှိပ်ကွပ်လိုက်သည်ကို ဖတ်လိုက်ရသောအခါ စိတ်မကောင်းပါ။
ကျွန်တော့်စာရေးသက်တစ်လျှောက်တွင် ကျွန်တော်သည် အမြဲတစေ ရိုးသားခဲ့ပါသည်။ ကဗျာများတင်မက ခေါင်းစဉ်များကိုပါ ယူငင် သုံးစွဲသည့်အခါ မူရင်းဆရာတို့၏ အမည်ကို ဖော်ပြရန် မည် သည့်အခါကမျှ ဝန်မလေးခဲ့ပါ။
တစ်ခါက ရွှေအမြူတေမဂ္ဂဇင်းတွင် “အိပ်မက်အတူမက်ကြစို့ မနက်မလင်းခင်” အမည်ဖြင့် အခန်းဆက်ဝတ္ထုရှည်တစ်ပုဒ် ရေးဖူးပါသည်။
ကိုးကား ကဗျာမှာ…
ခံစားမှု ဝေစုယူ
အတူစက်ပါလှည့် မောင့်ချစ်သက်သခင်
အိပ်မက်အတူ မက်ကြစို့ မနက်မလင်းခင်…
ဟူ၍ ဖြစ်ပါသည်။ ထိုကဗျာကို ဘယ်သူရေးမှန်း ကျွန်တော် မသိ တော့ပါ။ ထို့ကြောင့် ဝတ္ထုကို ဖော်ပြရာတွင် ယင်းကဗျာရှင်အမည်ကို သိသူရှိက ကျွန်တော့်ကိုဖြစ်စေ၊ ရွှေအမြုတေသို့ဖြစ်စေ အကြောင်းကြားပေးပါရန် မေတ္တာရပ်ခံချက်ကို ဝတ္ထုဖော်ပြချိန်တွင် အစဉ်တစိုက် ကြေညာခဲ့ဖူးပါသည်။ မည်သူကမျှ အကြောင်းမပြန်သည့်အတွက် ယနေ့ထက်တိုင်လည်း မည်သူရေးမှန်း မသိရသေးပါ။
ပြောလိုသည်မှာ ကျွန်တော့်ဘက်က ဖြောင့်မတ်ခြင်းကိုပင် ဖြစ်ပါသည်။ သို့တစေ ဆရာမောင်ပေါက်စည်၏ သူငယ်ချင်း ကဗျာဆရာ/ဝေဖန်ရေးဆရာကမူ ကျွန်တော့်အပေါ် ဒေါသသင့်သော အရေးအသားဖြင့် တစ်ဖက်သတ် စွဲချက်တင်ခဲ့ဖူးလေသည်။ ကျွန်တော့် ကုသိုလ်ကံ အကျိုးပေးဟုသာ ဆိုရန် ရှိပေတော့သည်။
ဝတ္ထုအကြောင်း ပြန်ကောက်ရပါလျှင် တယ်လီဖုန်းအမှတ်များ၊ ကားအမှတ်များကို အပီအပြင် ထည့်သွင်း ရေးသားထားခဲ့သဖြင့် ပရိသတ်တချို့က ထိုအချိန်ကတည်းကပင် ဖြစ်ရပ်မှန် ဝတ္ထုမှန်း ရိပ်စားမိနေခဲ့ကြပါသည်။ တယ်လီဖုန်းအမှတ်များမှာ မရှိသော တယ်လီဖုန်းများကို ရွေးချယ် ထည့်သွင်းခဲ့ခြင်းဖြစ်ပါသည်။ ဆယ်လျူလာတွင် ၅၅နှင့်စသော ဆယ်လျူလာ မရှိပါ။ ဝတ္ထုကို ဖော်ပြစဉ်က ငါးနှင့် စသော ဂျီအက်စ်အယ်မ် တယ်လီဖုန်း ဝေးစွ၊ ရှစ်နှင့်စသော စီဒီအယ်မ်အေ ဆယ်လျူလာဖုန်းများပင် မပေါ်ပေါက်သေးပါ။ နှစ်နှင့်စသော မူလလက်ဟောင်း တီဒီအယ်မ်အေများပင် ပေါ်ခါစ ဖြစ်ပါသည်။
၈၉၅၉၄ လည်း မရှိပါ။ ရှစ်နှင့်စသော ဖုန်းများ ရှိသည့်တိုင် ၈၉မူ မရှိပါ။ ၈၂၅၂၄ မှာမူ ကျွန်တော့်မေမေ့အိမ်မှ ဖုန်းအမှတ် ဖြစ်ပါသည်။ ထိုတစ်နံပါတ်ကိုတော့ အမှန်ရေးလိုက်ပါသည်။ အလားတူပင်၊ ချိုနွယ့်အိမ်လိပ်စာဟူ၍ အတိအကျ ဖော်ပြထားသော လိပ်စာမှာလည်း ကျွန်တော့် သန်းခေါင်စာရင်းဝင် လိပ်စာဖြစ်သော မေမေ့ အိမ်လိပ်စာပင် ဖြစ်ပါသည်။
ကားအမှတ်တွင်လည်း သ/၁၃၂၆ မှာ တိုယိုတာမာ့ခ်တူး မဟုတ်ပါ။ ထိုအချိန်က ကိုငြိမ်းအေး (စာရေးဆရာ ငြိမ်းအေးအိမ်) စီးခဲ့ဖူးသော ကားအမှတ် ဖြစ်ပါသည်။ န/၉၁၄၆ မှာလည်း ကျွန်တော်စီးခဲ့သော တိုယိုတာ နေဆောင်းထီး ကားလေးဖြစ်ခဲ့ကာ ၁၉၉၄ ခုနှစ် ဇူလိုင်လတွင် တစ်စီးလုံး ကုန်တင်ကားအောက် ဝင်သွားသဖြင့် လုံးဝ သုံးမရတော့ဘဲ သုံးလို့ရသမျှ ပစ္စည်းများကို တစ်စစီ ဖြုတ်ရောင်းလိုက်ရသော ကားဖြစ်ပါသည်။
ဆိုလိုသည်မှာ သုံးလိုက်သမျှ နံပါတ်များအားလုံးမှာ ကျွန်တော့်ဘက်က ပြဿနာ မဖြစ်လောက်ဟု ပိုင်နိုင်သေချာသော နံပါတ်များကို သုံးစွဲထားကြောင်းပင် ဖြစ်ပါသည်။
အမည်များကိုလည်း လွှဲပြောင်းထားခဲ့ပါသည်။ ဝတ္ထုထဲတွင် ဦးတင်အောင်ဝင်းဟု အမည်ပြောင်းထားသူမှာ ၂၀ဝ၂ခုနှစ်၊ နှစ်ဆန်းတွင် ကွယ်လွန်သွားခဲ့ပါပြီ။ ကျန်သည့်အပိုင်းမှာတော့ သရဖူ မဂ္ဂဇင်း တွင် ၂၅လတိတိ ဖော်ပြခဲ့သော ကျွန်တော့် “ချစ်သူ့ရင်ခွင်ရှာပုံတော်”အခန်းဆက် ဆောင်းပါးတွင် ဖော်ပြခဲ့ပြီး ဖြစ်ပါသည်။
ဝတ္ထုကို ပန်းဝေသီမဂ္ဂဇင်းလေး၏ နောက်ဆုံးလများတွင် ဖော်ပြခဲ့ခြင်းဖြစ်ပါသည်။ ထိုစဉ်က ပန်းဝေသီကို ကိုကျော်စိုးဝင်း (စာရေးဆရာ ကြည်လင်အေး)က မွမ်းမံ တင်ဆက်နေချိန်ဖြစ်ပါသည်။ ကျွန်တော်နှင့် ကိုကျော်စိုးဝင်းကြားမှာ ဘာ အခုအခံမှ မရှိဘဲ ရင်းနှီးခင်မင်နေခဲ့ချိန်ဟုလည်း အမှတ်ရနေပါသေးသည်။
စာရင်းချုပ်သော် ကျွန်တော့် စာရေးသက် တစ်လျှောက်တွင် သည်ဝတ္ထုမှာ အားအရဆုံးဝတ္ထုဟု ဆိုရမည်ပင်ဖြစ်သလို “မုတမပါ၊ လင်္ကာမချော”ဟူသော ဆိုရိုးစကားလေး သွေးထွက်အောင် မှန်လှ ကြောင်းကိုလည်း ဤဝတ္ထုက သက်သေခံလျက် ရှိနေပါသတည်း။
ဘလော့အတွက် ဖြည့်စွက်ချက်
အထက်က “၀တ္ထုနောက်မှာ ပြောချင်တာ”ကို “တေလေဂဏန်း ငါးလုံးတွဲ”အား လုံးချင်းစာအုပ်တွင် ထည့်သွင်းခဲ့ရာတွင် ဖော်ပြခဲ့ခြင်းဖြစ်ပါသည်။ ဖြည့်စွက်ရန်မှာ “ဧည့်သည်”ကဗျာကို ရေးသားခဲ့သော ဆရာ မောင်ပေါက်စည်မှာလည်း ကွယ်လွန် သွားခဲ့ရှာပါလေပြီ။ ဆင်ခြင်ဉာဏ် အလျဉ်း မသုံးဘဲ အလွန်ရမ်းကားစွာ ဝေဖန်ရာတွင် ဆရာတစ်ဆူဖြစ်ခဲ့ဖူးသည့် အမှောင့်ပူးနေရှာလေသူ ကဗျာဆရာ၊ ဝေဖန်ရေးဆရာကြီးမှာလည်း မြန်မာစာပေနယ်မှ အရှင်ထွက် ထွက်သွားရှာလေပြီ။
၈ ၂၅ ၂၄ မှာလည်း ဖုန်းပိုင်ရှင် ကျွန်တော့် မေမေ ဘ၀တစ်ပါးသို့ ကူးပြောင်းသွားပြီးနောက်တွင် ဒစ်ဂျစ်ထယ်(လ်) တယ်လီဖုန်း ဘ၀သို့ ကူးပြောင်း သွားခဲ့ပါလေပြီ။
အလားတူပင် ၀တ္ထုထဲမှ “ချို”သည်လည်း ကျွန်တော့် ဘ၀ထဲ၊ ကျွန်တော့် နှလုံးသားထဲတွင် တစ်စ တစ်ငင်သော်မျှ တင်မကျန်တော့ပါ။ တစ်ခါက တဆတ်ဆတ် ခါခဲ့ဖူးသော ကိုင်းဖျားလေး ကျိုးသွားသည်မှာ ကြာပါပြီ။ ဘာ့ကြောင့် ကျိုးသွားသည်၊ ဘယ်လို ကျိုးသွားသည်ဆိုခြင်းကိုမူ နောင်အလျဉ်းသင့်ခါမှ တစ်ပုဒ် သတ်သတ် ရေးပါမည်။
ထိုအတွက်ကြောင့်လည်း ၀တ္ထုကို ဖော်ပြခဲ့သော ဘလော့ထဲမှ အဆုံးသတ်တွင် သူနှင့် ကျွန်တော့်ကြားမှာ ပရိကံ တည်ဆောက်ခဲ့ခြင်းဖြစ်ပါသည်။
ချစ်သော စာဖတ်သူ လူကြီးမင်းအပေါင်း ဇာတ်ရေလည်စေရန် ဖြည့်စွက်တင်ပြလိုက်ရခြင်းလည်း ဖြစ်ပါတော့သတည်း။
အားလုံးတွေးဆ ဆင်ခြင်ကြည့်နိုင်ကြပါစေ
အတ္တကျော်
(၂၄၀၁၁၀ – ၁၇း၀၂)
အတ္တကျော်ရဲ့ စာပေါင်းစုံ 