Future Plans

လက်တွဲဖော်စာအုပ်တိုက်က ဘာတွေ စီစဉ်ထားလဲ၊ အတ္တကျော် ဘာစာအုပ်တွေ ထွက်ဦးမှာလဲ၊ ဘာတွေ ရေးနေလဲ စသဖြင့် မေးမြန်းသူတွေအတွက်  လာမယ့် အစီအစဉ်လေးတွေ၊ စိတ်ကူးလေးတွေရယ်ကို အစီရင်ခံပါရစေ။

• ပထမဆုံးက “ကျွန်းပြန် ပီကင်းပြန်”ဆိုတဲ့ အတ္တကျော်ရဲ့ လက်တွဲဖော်စာအုပ်တစ်အုပ်ကို ပြည်ထောင်စု မြန်မာနိုင်ငံတော်၊ ပြန်ကြားရေး ၀န်ကြီးဌာန၊ စာပေစိစစ်ရေးဌာနခွဲကို တင်ထားပါတယ်။ သည်နှစ် မကုန်ခင် ထွက်လာနိုင်လိမ့်မယ်လို့ မျှော်လင့်ရပါတယ်။

• အဲဒါပြီးရင် တက္ကသိုလ်ထွန်းနောင်ရဲ့ “ဆိုခဲ့ရ ကျွန်တော့်ဘ၀ပါဗျာ”ဆိုတဲ့ မြန်မာ့ စတီရီယို ခေတ်ဦး သမိုင်းတစ်စိတ်တစ်ဒေသ စာအုပ်လေးရယ်၊ ဆရာ အက္ခရ (မြေလတ်ဝန်း)ရဲ့ “တောအရပ်က ပြောစမှတ်များ”ရယ်၊ အတ္တကျော်ရဲ့ “တစ္ဆေကို ခဲနဲ့ပေါက်မယ်”ဆိုတဲ့ စာအုပ်ရယ်တို့ကို စာပေစိစစ်ရေးကို တင်ပြဖို့ ပြင်ဆင်နေပါတယ်။

• အတ္တကျော်ရဲ့ “ရေဒီယို မှတ်တမ်း”ရယ်၊ “မောဟပြေ ပုံတိုပတ်စများ – ၅” ရယ်၊ “ချစ်သူ့ရင်ခွင် ရှာပုံတော်” ရယ်တို့ကလည်း စာပေစိစစ်ရေး တင်ဖို့ အဆင်သင့်ပါပဲ။ နောက်ထပ်လည်း အဆင်သင့်ဖြစ်နေတဲ့ စာမူ သုံးလေးပုဒ် မက ကျန်ပါသေးတယ်။ ဘာတွေလဲဆိုတာ ကိုယ်တိုင်တောင် သိပ်မမှတ်မိပါ။

• အတ္တကျော် ဘာတွေ ရေးနေလဲဆိုရင်တော့… ဟုတ်ကဲ့… Blog နှစ်ခု ရေးနေပါတယ်၊ နောက်တစ်ခု ထပ်ဖွင့်ဖို့တောင် စိတ်ကူးနေပါသေးတယ်။ အဲဒါကတော့ မိဘတွေ သားသမီး ထိန်းကျောင်းမှုနဲ့ ပတ်သက်ပြီး အခက်တွေ့ရတာလေးတွေကို ဆွေးနွေးပေးတဲ့ blog လေးတစ်ခုလောက် သတ်သတ် ထပ်ဖွင့်ရင် ကောင်းမလားလို့ တွေးမိလို့ပါ။ (ကျွန်တော့်မှာ အချိန်က ပေါနေတာကျလို့။ တွေးရဲတဲ့ သတ္တိကို ကိုယ့်ဘာသာ နားရင်းအုပ်ပြီး ချီးကျူးရမလို ဖြစ်နေတယ်။) လစဉ်ထုတ် မဂ္ဂဇင်းတွေအတွက် စာမူတွေကို ဖုတ်ပူမီးတိုက် ရေးနေပါတယ်၊ စိတ်ကူးပေါက်တဲ့အခါ ဂျာနယ်တွေအတွက် စာမူအတိုအစတွေ ရေးနေပါတယ်။ စာအုပ်အနေနဲ့ သတ်သတ်ခတ်ခတ် ရေးတယ်ဆိုတာ လုံးလုံး မရှိပါဘူး။ မရှိဆို အပျင်းထူသကိုး။ ဒါဖြင့် စာအုပ်တွေ ဘယ်လိုထွက်သလဲလို့ မေးစရာရှိပါတယ်။ ဟုတ်ကဲ့… ကျွန်တော် နှစ်သီးစားပါတယ် ခင်ဗျာ။ မဂ္ဂဇင်း၊ ဂျာနယ်တွေမှာ ရေးရင်း စာမူစုပါတယ်။ အဲတော့ မဂ္ဂဇင်း၊ ဂျာနယ်တွေကနေ စာမူခ တစ်ခါ ရပါတယ်။ ဒါ ပထမ တစ်သီးပါ။ ပြီးတော့ အဲဒါတွေကို စုထုတ်ပါတယ်၊ ထပ်ရပါတယ်။ ဒါက ဒုတိယအသီးပါ။ သီးထပ် သီးညှပ်စိုက်ပျိုးတဲ့ ခေတ်မှာ လူဖြစ်လာရသူပီပီ အဲလို အမြော်အမြင် ကြီးပါတယ်။ အပျင်းထူတာနဲ့လည်း အံကို ကျလို့ပါ။

• လောလောဆယ် သရဖူ မဂ္ဂဇင်းမှာ “လူလိုလူ”ဆိုတဲ့ အခန်းဆက် ဆောင်းပါး၊  Teen မဂ္ဂဇင်းမှာ “ကိုယ်တိုင်လေ့လာ အင်္ဂလိပ်စာ”ပို့ချချက်၊ Idea မဂ္ဂဇင်းမှာ “မိန်းမသားတို့ သိမ်းထားဖို့”နဲ့ “သုက်ရည်အကျိတ်မြစ်ပွားနာနဲ့ စပ်လျဉ်းတဲ့ အမေး-အဖြေ ၁၀၀”နဲ့ Fashion Image  မဂ္ဂဇင်းမှာ “ဗေဒင်ယုံတဲ့ အီတာလျံ”(ဘာသာပြန်)တို့ကို လစဉ် တင်ဆက်နေပါတယ်။ Beauty M@x မဂ္ဂဇင်းမှာလည်း “စုံစီနဖာ အင်္ဂလိပ်စာ” ဆိုတာ တင်ဆက်လျက်ပါ။

ဂလောက်ဆိုရင်တော့ သိချင်သူတွေ အာသာပြေလောက်ပြီ ထင်ပါတယ်နော်။ အခုလို လာရောက်ကြည့်ရှုအားပေးတဲ့အတွက် အတိုင်းမသိအောင် လှိုက်လှဲစွာ ကျေးဇူးတင်ပါတယ်။ နောက်လည်း မကြာ မကြာ လာလည်ကြပါနော်။

ကြည်ရွှင်လန်းဆန်းကြပါစေ

အတ္တကျော်နဲ့ လက်တွဲဖော်